Բացվեց «Եվրասիա 21» առեւտրաարդյունաբերական միջազգային առաջին ցուցահանդեսը և Եվրասիական գործարար համաժողովը, որին մասնակցում էին ՀԳՀՄ-ն և նրա անդամները
.jpg?token=a0eea12ecfd443dd255a99d6afac7bf1 "Բացվեց «Եվրասիա 21» առեւտրաարդյունաբերական միջազգային առաջին ցուցահանդեսը և Եվրասիական գործարար համաժողովը, որին մասնակցում էին ՀԳՀՄ-ն և նրա անդամները")
Այսօր Երևանում մեկնարկեց «Եվրասիա 2021» առաջին միջազգային առևտրաարդյունաբերական ցուցահանդեսն ու Եվրասիական գործարար համաժողովը, որի նախապատրաստական և իրականացման աշխատանքներում Հայաստանի գործատուների հանրապետական միությունը հայաստանյան կողմից հանդես է գալիս որպես գլխավոր աջակից։ Մոտ 800մ2 ընդհանուր տարածք ներառող ցուցահանդեսը «Երևան» էքսպո կենտրոնում բաց կլինի նոյեմբերի 24-27-ը, որի ընթացքում մասնակից կազմակերպությունները հնարավորություն կունենան ծանոթանալ ԵԱՏՄ երկրների (Հայաստան, Ռուսաստան, Ղազախստան, Ղրղզստան, Բելառուս) և Իրանի արտադրական և առևտրային հնարավորություններին, ինչպես նաև ձեռք բերել անձնական կապեր և բանակցությունների հնարավորություն B2B ձևաչափով։
Ցուցահանդեսի և գործարար համաժողովի մեկնարկին բացման խոսքով հանդես եկավ նաև Հայաստանի գործատուների հանրապետական միության նախագահ Գագիկ Մակարյանը։ Կարևորելով Հայաստանում նման լայնամասշտաբ միջոցառման իրականացումը, ՀԳՀՄ նախագահը վստահություն հայտնեց, որ «Եվրասիա 2021»-ը, որին մասնակցում են 6 երկրների ավելի քան 200 ընկերություններ, կձևավորի նոր բիզնես համագործակցություն և կնպաստի Իրան-ԵԱՏՄ առևտրաարդյունաբերական ցուցանիշների նկատելի բարելավմանն ու առաջընթացին։
Եվրասիական գործարար համաժողովին մասնակցում են բարձրաստիճան պաշտոնյաներ, գործարար համայնքի հարյուրավոր ներկայացուցիչներ, խոշոր առևտրային և արդյունաբերական հոլդինգներ, ինչպես նաև Իրանի, Հայաստանի, Ռուսաստանի, Ղրղզստանի, Ղազախստանի և Բելառուսի ասոցիացիաների և գործարար միությունների ղեկավարներ և անդամներ։ Արտահանման նոր ուղղություններ ունենալու, իրացման ավելի մեծ ծավալների ու լայն սփռման ակնկալիքով՝ հայաստանյան 25 կազմակերպություններ, որոնք հանդիսանում են Հայաստանի գործատուների հանրապետական միության անդամ, նույնպես մասնակցում են ցուցահանդեսին՝ ներկայացնելով իրենց ընկերությունները մասնակից երկրներից ժամանած պոտենցիալ գործընկերներին։ Մասնակիցների շարքում են ինժեներական նորագույն լուծումներ առաջարկող, արտադրական և ծառայությունների մատուցման ոլորտները ներկայացնող կայացած և ճանաչված ձեռնարկություններ։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: