«Արտադրողի ընդլայնված պատասխանատվության (ԱԸՊ)» ներդրմանը նվիրված հանդիպում-քննարկու

Հրավիրում ենք մասնակցելու Հայաստանի գործատուների հանրապետական միության և ՀԱՀ Յակոբեան բնապահպանական կենտրոնի համատեղ նախաձեռնությամբ իրականացվող հանդիպմանը, որը նվիրված է արտադրողի ընդլայնված պատասխանատվության (ԱԸՊ) համակարգի ներդրմանը։

Տեղեկացնում ենք, որ 2027 թվականից ուժի մեջ է մտնելու նոր օրենսդրական կարգավորում, համաձայն որի՝ փաթեթավորում ունեցող մի շարք ապրանքների (խմիչք, սնունդ, էլեկտրական տեխնիկա), ինչպես նաև ներմուծվող անվադողերի, յուղերի և մարտկոցների ներմուծողները ստանձնելու են թափոնների կառավարման նոր պարտավորություններ։

Հանդիպման ընթացքում կքննարկվեն նախատեսվող օրենսդրական փոփոխությունները, դրանց ազդեցությունը բիզնես միջավայրի վրա, ինչպես նաև այն գործնական քայլերը, որոնք անհրաժեշտ է ձեռնարկել որպես համապատասխան ապրանքատեսակների ներմուծողներ։

Օրակարգում՝

• Արտադրողի ընդլայնված պատասխանատվության (ԱԸՊ) օրենսդրական նախագիծը և դրա ազդեցությունը բիզնեսի վրա,
• Արտադրողի պատասխանատվության կազմակերպությունների (ԱՊԿ) ստեղծումը և գործառույթները,
• Պետական և մասնավոր հատվածների միջև համագործակցության քննարկում:

Հանդիպման մանրամասներ

Ամսաթիվ՝ մայիսի 15
Ժամ՝ 16:00
Վայր՝ ք.Երևան, Վ.Վաղարշյան 12, Ակցեռնի շենք, 5-րդ հարկ
Նախագծի հղում՝ https://www.e-draft.am/projects/8867

Հանդիպմանը մասնակցելու համար խնդրում ենք գրանցվել հետևյալ հղումով` https://forms.gle/rkoC5kyZQftA4xdt7