ԱՍՀ նախարարն ընդունեց ԱՄԿ Գործատուների հարցերով բյուրոյի տնօրենին
.jpg?token=1968256daa78dc6ecbc4db20c0bae578 "ԱՍՀ նախարարն ընդունեց ԱՄԿ Գործատուների հարցերով բյուրոյի տնօրենին")
Ապրիլի 15-ին ՀՀ աշխատանքի և սոցիալական հարցերի նախարար Արսեն Թորոսյանն ընդունեց Աշխատանքի միջազգային կազմակերպության (ԱՄԿ) Գործատուների հարցերով բյուրոյի տնօրեն Դեբորահ Ֆրանսեին։
Հանդիպմանը մասնակցում էին նաև Հայաստանի գործատուների հանրապետական միության նախագահ Վահագն Համբարձումյանը, նախագահի տեղակալ Հարություն Գուլյանը, գործադիր տնօրեն Լիլիթ Ադամյանը, ինչպես նաև ԱՄԿ Արևելյան Եվրոպայի և Կենտրոնական Ասիայի գրասենյակի Գործատուների հարցերով ավագ մասնագետ Վլադիմիր Չուրովիչը։
Քննարկման ընթացքում անդրադարձ կատարվեց ԱՄԿ-ի հետ համագործակցության ամրապնդման, սոցիալական գործընկերության զարգացման, գործարար համայնքի հետ փոխգործակցության խորացմանը միտված հարցերին։
ՀՀ ԱՍՀ նախարար Արսեն Թորոսյանը ներկայացրեց նշված ուղղություններով իրականացվող համատեղ քայլերը, արձանագրված առաջընթացն ու ձեռքբերումները՝ կարևորելով սոցիալական երկխոսության ամրապնդմանն ուղղված հետևողական աշխատանքները։
ՀԳՀՄ նախագահ Վահագն Համբարձումյանն անդրադարձավ «Գործատուների միությունների մասին» ՀՀ օրենքի նախագծում կատարված փոփոխություններին՝ ընդգծելով դրանց նշանակությունը գործատուների միությունների ինստիտուցիոնալ կայացման և կարողությունների զարգացման տեսանկյունից։
Հանդիպման ընթացքում համատեղ քննարկվեց նաև սոցիալական գործընկերության ինստիտուցիոնալ զարգացման ընթացքը, այդ թվում՝ Հանրապետական կոլեկտիվ պայմանագրով սահմանված առաջնահերթությունների իրականացումը։ Ընդգծվեց, որ պայմանագիրը նպաստում է ՀՀ կառավարության, Հայաստանի գործատուների հանրապետական միության և Հայաստանի արհմիությունների կոնֆեդերացիայի միջև եռակողմ համագործակցության խորացմանը և փոխվստահության ամրապնդմանը, որի առանցքային նպատակն է աշխատողների և գործատուների շահերի հավասարակշռված պաշտպանության ապահովումն ու արդյունավետ երկխոսության կառուցումը։
ԱՄԿ Գործատուների հարցերով բյուրոյի տնօրեն Դեբորահ Ֆրանսեն բարձր գնահատեց սոցիալական գործընկերության զարգացմանն ուղղված ջանքերը և հայտնեց Աշխատանքի միջազգային կազմակերպության պատրաստակամությունը՝ շարունակաբար աջակցելու այդ գործընթացին։
Կողմերը ընդգծեցին համագործակցության շարունակական զարգացման անհրաժեշտությունը՝ նպաստելու զբաղվածության աճին և կայուն տնտեսական զարգացմանը։
Հիշեցնենք, որ Աշխատանքի միջազգային կազմակերպություն (ԱՄԿ) Գործատուների հարցերով բյուրոյի տնօրեն Դեբորահ Ֆրանսեն Հայաստանի գործատուների հանրապետական միության հրավերով ժամանել է Հայաստան՝ մասնակցելու ապրիլի 17-ին կայանալիք «Տնտեսության ֆորմալացումը՝ որպես բիզնեսի աճի նախապայման» խորագրով համաժողովին։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: