Գործատո՞ւ, թե՞ գործարար
Բիզնես ստեղծելը մեկ բան է։ Այն զարգացնելը, ուժեղ թիմ ձևավորելը և մարդկանց միավորելը մեկ ընդհանուր նպատակի շուրջ՝ բոլորովին այլ։
Ի՞նչն է տարբերում ղեկավարին առաջնորդից։ Ինչպե՞ս կառուցել վստահություն, կառավարել փոփոխությունները և ճիշտ որոշումներ կայացնել անորոշության պայմաններում։
Դեկտեմբերի 4-ին մեր հանդիպման հատուկ հյուրն է Ucom-ի գլխավոր տնօրեն Ռալֆ Յիրիկյանը։
Հրավիրում ենք ՀԳՀՄ անդամներին մասնակցելու բաց և ինտերակտիվ հանդիպմանը, փոխանակելու սեփական փորձը և քննարկելու բիզնեսի կառավարման ու առաջնորդության արդի հարցերը։
Քննարկման հիմնական թեմաներն են՝
- Առաջնորդություն և կառավարում․ ո՞րն է տարբերությունը և ինչպե՞ս դառնալ արդյունավետ առաջնորդ։
- Մարդկային կապիտալ և թիմի զարգացում․ ինչպե՞ս ձևավորել վստահության վրա հիմնված թիմ և համախմբել աշխատակիցներին ընդհանուր նպատակի շուրջ։
- Գործատուի գրավչություն․ ի՞նչն է ընկերությունը դարձնում ցանկալի աշխատավայր։
- Ռազմավարական մտածողություն և փոփոխությունների կառավարում․ ինչպե՞ս կայացնել ճիշտ որոշումներ և առաջնորդել բիզնեսը փոփոխությունների պայմաններում։
- Բիզնեսի արժեքներ և կորպորատիվ մշակույթ․ ինչպե՞ս պահպանել մարդկային արժեքները բիզնեսի աճին զուգահեռ։
- Տեխնոլոգիաներ և մրցունակություն․ ինչպե՞ս օգտագործել նորարարությունն ու ժամանակակից տեխնոլոգիաները բիզնեսի զարգացման համար։
Բաց զրույց՝ նոր գաղափարների, գործնական փորձի և հարցուպատասխանի համար։
Բացառիկ հանդիպում նրանց համար, ովքեր ցանկանում են ոչ միայն զարգացնել իրենց բիզնեսը, այլև դառնալ ավելի ուժեղ առաջնորդներ։
Ամսաթիվ՝ դեկտեմբերի 4
Ժամ՝ 11։00
Վայր՝ «Էլիտ Պլազա» բիզնես-կենտրոն, Քրքորյան սրահ
Մասնակցության համար խնդրում ենք գրանցվել հետևյալ հղումով՝
https://forms.gle/xGuBNMCDQhfiDY4Y6
Մուտքն ազատ է` միայն նախնական գրանցմամբ։
ՎԵՐՋԻՆ ՆՈՐՈՒԹՅՈՒՆՆԵՐԸ
-
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր):
-
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների:
-
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ:
-
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: