Համաշխարհային բանկի փորձագետների հետ քննարկվեցին աշխատաշուկայի պահանջարկի և առաջարկի մարտահրավերները
.jpg?token=f956d5e70cccfcd76dc035104e53f720 "Համաշխարհային բանկի փորձագետների հետ քննարկվեցին աշխատաշուկայի պահանջարկի և առաջարկի մարտահրավերները")
Հոկտեմբերի 31-ին Հայաստանի գործատուների հանրապետական միության (ՀԳՀՄ) նախագահ Վահագն Համբարձումյանը և գործադիր տնօրեն Լիլիթ Ադամյանը հանդիպեցին Համաշխարհային բանկի Եվրոպայի և Կենտրոնական Ասիայի սոցիալական պաշտպանության և զբաղվածության գլոբալ պրակտիկայի փորձագետներ Դանիել Գարրոտե Սանչեսի և Աբլա Սաֆիրի հետ։
Համաշխարհային բանկի փորձագետները մասնավորապես հետաքրքրված էին աշխատաշուկայի իրական կարիքների, գործատուների կողմից նշվող որակյալ մասնագետների պակասի, ինչպես նաև կրթական ծրագրերի արդյունավետության հետ կապված հիմնախնդիրներով։
Հանդիպման ընթացքում քննարկվեցին աշխատաշուկայի պահանջարկի և առաջարկի ներկայիս մարտահրավերները` ներառյալ հմտությունների անհամապատասխանությունը, երիտասարդների զբաղվածության սահմանափակ հնարավորությունները, կանանց ձեռներեցության մակարդակը և բիզնես միջավայրի փոփոխվող պահանջները։
ՀԳՀՄ նախագահ Վահագն Համբարձումյանն ընդգծեց գործատուների ակտիվ ներգրավվածության կարևորությունը աշխատաշուկայի ձևավորման, մասնագիտական կրթության կազմակերպման և հմտությունների զարգացման գործընթացներում, ինչը կնպաստի աշխատաշուկայի կայուն և ներառական զարգացմանը։ Վ.Համբարձումյանը շեշտեց, որ բիզնեսի և կրթական համակարգի միջև սերտ համագործակցությունն առանցքային է մրցունակ և ժամանակակից պահանջներին համապատասխան մարդկային կապիտալի ձևավորման համար։
Գործադիր տնօրեն Լիլիթ Ադամյանն անդրադարձավ 2024թ․ ընդունված «Մասնագիտական կրթության և ուսուցման մասին» ՀՀ նոր օրենքին, որը դուալ կրթության զարգացման միջոցով ամուր հիմք է ստեղծում սովորողների պրակտիկ հմտությունների ամրապնդման համար՝ նպաստելով կրթության և աշխաշուկայի պահանջների ներդաշնակեցմանը։ Օրենքի լիարժեք իրականացման կարևոր նախապայման է ոլորտի բոլոր շահակիցների՝ կրթության կազմակերպիչների, գործատուների, ուսանողների և պետական գերատեսչությունների սերտ համագործակցությունը, ինչը հնարավորություն կտա ապահովել հմտությունների առաջարկի և գործատուների իրական պահանջների միջև հավասարակշռությունը՝ դրանով իսկ բարձրացնելով աշխատուժի մրցունակությունը և զբաղվածության մակարդակը։
Կողմերը պայմանավորվածություն ձեռք բերեցին շարունակել պարբերական հանդիպումները` աշխատաշուկայի և զբաղվածության արդի հիմնախնդիրները վերհանելու և արդյունավետ լուծումներ գտնելու նպատակով։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: