Համատեղ քննարկվեցին Միության և ԱՄԿ համագործակցության հետագա ուղղությունները
.jpg?token=24f36a78661a635c040745764bea7318 "Համատեղ քննարկվեցին Միության և ԱՄԿ համագործակցության հետագա ուղղությունները")
Սեպտեմբերի 16-ին Հայաստանի գործատուների հանրապետական միության գործադիր տնօրեն Լիլիթ Ադամյանը հյուրընկալեց Աշխատանքի միջազգային կազմակերպության (ԱՄԿ) պատվիրակությանը՝ ի դեմս ԱՄԿ-ի ազգային համակարգող Նունե Հովհաննիսյանի, Ֆորմալացմանն ուղղված ԱՄԿ գլոբալ ծրագրի տնօրեն Ֆրեդերիկ Լապեյրի, զբաղվածության հարցերով ավագ մասնագետ Կազուտոշի Չատանիի և ԱՄԿ-ի ազգային ծրագրի համակարգող Վարդուհի Ավանեսյանի։
Հանդիպման օրակարգում ԱՄԿ-ի նախաձեռնությամբ և եռակողմ սոցիալական գործընկերությամբ իրականացվող ծրագրի արդյունքների ամփոփումն էր` ուղղված աշխատանքի ոչ ֆորմալ դրսևորումների կանխմանն ու ֆորմալացմանն անցման խթանմանը։
Քննարկվեցին ծրագրի շրջանակում իրականացված աշխատանքները, ձեռքբերված արդյունքները և հետագա քայլերը՝ մասնավորապես Միության ներգրավվածության և գործատուների տեսանկյունից իրականացված աշխատանքների համատեքստում։ Անդրադարձ կատարվեց նաև ծրագրի շրջանակում Միության կողմից մշակված հարկային քաղաքականության բարելավման առաջարկությունների հետագա կիրառման և համապատասխան գործընթացներում դրանց արտացոլման հնարավորությունը։
Հանդիպման ընթացքում ներկայացվեց նաև ԱՄԿ–ի կողմից հարթակային/գիգ տնտեսության ոլորտում իրականացված հետազոտությանը և դրա վերաբերյալ Միության կողմից կատարված դիտարկումներին և առաջարկություններին։ Կարևորվեց այս ուղղությամբ երկխոսության շարունակականությունը՝ հաշվի առնելով աշխատաշուկայի պահանջարկը և նոր ձևավորվող զբաղվածության մոդելները։
ԱՄԿ ներկայացուցիչները շնորհակալություն հայտնեցին Միության՝ ծրագրի իրականացման շրջանակում կատարած աշխատանքի, ակտիվ ներգրավվածության և գործարար համայնքի դիրքորոշումները քաղաքականության մշակման գործընթացում գործնական և կիրառելի առաջարկությունների տեսքով ներկայացնելու համար։
Հանդիպման ավարտին կողմերը պայմանավորվածություն ձեռք բերեցին շարունակել քննարկումները՝ առաջիկայում նոր նախաձեռնության մեկնարկի և համատեղ աշխատանքների հետագա ուղղությունների շուրջ։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: