ՀԳՀՄ անդամը` ՊԵԿ հասարակական խորհրդի նիստին
.jpg?token=be5af46bf7a3de80d58686866f0d7dc1 "ՀԳՀՄ անդամը` ՊԵԿ հասարակական խորհրդի նիստին")
Մայիսի 19-ին կայացած ՀՀ պետական եկամուտների կոմիտեի նախագահին կից հասարակական խորհրդի նիստին Հայաստանի գործատուների հանրապետական միությունից մասնակցեց Միության անդամ Սերգեյ Ներսիսյանը։
Նիստի օրակարգում ընդգրկված էին ապրանքների անհատական ծածկագրերի և «Վիրտուալ պահեստ» համակարգերի ներդրման նպատակահարմարությանը վերաբերող հարցերը, ինչպես նաև էլեկտրոնային ՀԴՄ-ների կիրառման գործընթացում առաջացած գործնական խնդիրները:
Քննարկումների ընթացքում անդրադարձ կատարվեց ապրանքների հաշվառման գործընթացների թվայնացման, հաշվարկային փաստաթղթերի և ՀԴՄ համակարգերի ինտեգրման, ինչպես նաև բիզնես համայնքի համար հնարավոր տեխնիկական և վարչարարական բարդությունների հարցերին։
Միության անդամ Սերգեյ Ներսիսյանը ներկայացրեց իր դիտարկումներն ու առաջարկությունները օրակարգային հարցերի վերաբերյալ՝ ընդգծելով հատկապես համակարգերի գործնական կիրառելիության, բիզնես գործընթացների պարզեցման և տնտեսավարողների համար կանխատեսելի ու արդյունավետ վարչարարական միջավայրի ապահովման կարևորությունը։
ՀԳՀՄ-ն կարևորում է մասնավոր հատվածի մասնակցությունը նման մասնագիտական քննարկումներին՝ որպես պետություն-մասնավոր հատված համագործակցության արդյունավետ հարթակ՝ բիզնես միջավայրի բարելավման և գործարար համայնքի խնդիրների բարձրաձայնման տեսանկյունից։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: