ՀԳՀՄ նախագահը հանդիպեց Արժույթի միջազգային հիմնադրամի պատվիրակության հետ
.jpg?token=d556225332d5fbbc6e3d0e0403fe9b68 "ՀԳՀՄ նախագահը հանդիպեց Արժույթի միջազգային հիմնադրամի պատվիրակության հետ")
Սեպտեմբերի 30-ին Հայաստանի գործատուների հանրապետական միության (ՀԳՀՄ) նախագահ Վահագն Համբարձումյանը հյուրընկալեց Արժույթի միջազգային հիմնադրամի (ԱՄՀ) պատվիրակությանը՝ ի դեմս Հայաստանի առաքելության ղեկավար Ալեքսանդր Ֆերենց Թիմանի։
Հանդիպման նպատակն էր քննարկել Հայաստանի գործարար միջավայրում առկա մարտահրավերները, գործող հարկային խթանների ազդեցությունը, ինչպես նաև ներկայացնել մասնակիցների տեսակետներն ու առաջարկները հնարավոր փոփոխությունների, տարածաշրջանային հաղորդակցման ուղիների բացման հեռանկարների և պետական մարմինների կողմից իրականացվող բարեփոխումների վերաբերյալ։
Հանդիպմանը ներկա էին նաև ՀԳՀՄ Խորհրդի անդամներ Միհրան Թադևոսյանը և Աննա Ավետիսյանը, ինչպես նաև ՀԳՀՄ անդամ, Հայաստանի Հաշվապահների Ասոցիացիայի նախագահ Հերմինե Թովմասյանը։
Միության նախագահ Վ. Համբարձումյանն առանձնացրեց այն առանցքային խնդիրները, որոնք էական ազդեցություն են ունենում գործարար միջավայրի կայունության և զարգացման վրա։ Նա կարևորեց կրթության և աշխատաշուկայի միջև առկա անհամապատասխանությունը՝ ընդգծելով, որ կրթական ծրագրերը միշտ չէ, որ համընթաց են աշխատաշուկայի իրական պահանջներին։
Քննարկման ընթացքում անդրադարձ կատարվեց հարկային քաղաքականության և վարչարարության խնդիրներին` մասնավորապես գործող հարկային օրենսդրության բարդություններին և ֆորմալ տնտեսության զարգացմանը խոչընդոտող պայմանների առկայությանը։ Նա առաջարկեց ստեղծել միասնական և պարզեցված հարկման համակարգ, որը կապահովի հարկման հավասար պայմաններ և կայուն հարկային միջավայր։ Գործարար միջավայրի մարտահրավերների շրջանակում քննարկվեց նաև հարկային օրենսդրության խախտումների դեպքում քրեական վարույթների հարուցման խնդիրը։
Հընթացս Վ. Համբարձումյանը ներկայացրեց հայ արտադրողների միջազգային շուկաներ մուտք գործելու սահմանափակ հնարավորությունների խնդիրը։ Այս ուղղությամբ առաջարկվեց զարգացնել պետական-մասնավոր համագործակցությունը, ձևավորել արտահանման խթանման արդյունավետ հարթակներ և տեղեկատվական աջակցման համակարգեր։
Հյուրերը շնորհակալություն հայտնեցին արդյունավետ քննարկման համար` ընդգծելով բարձրացված խնդիրների կարևորությունը, որոնք հիմք կծառայեն հետագա ծրագրերի գործողությունների հստակեցման, ինչպես նաև բազմակողմանի ու շարունակական համագործակցության զարգացման համար։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: