Կայացավ Հայաստանի գործատուների հանրապետական միության հերթական եռամսյակային հանդիպումը
.jpg?token=3b91f18052d01470ac7f72fec93fbfd2 "Կայացավ Հայաստանի գործատուների հանրապետական միության հերթական եռամսյակային հանդիպումը")
Մարտի 27-ին «Էլիտ Պլազա» բիզնես կենտրոնում կայացավ Հայաստանի գործատուների հանրապետական միության հերթական եռամսյակային հանդիպումը, որի շրջանակում տեղի ունեցավ քննարկում ՀՀ աշխատանքի և սոցիալական հարցերի նախարար Արսեն Թորոսյանի հետ։
Հանդիպումը կազմակերպվել էր նախարարի նախաձեռնությամբ՝ Միության անդամների հետ անմիջական շփում ապահովելու և ոլորտում առկա խնդիրների համապարփակ քարտեզագրման նպատակով։
Հանդիպմանը մասնակցում էին նաև ՀՀ ԱՍՀ նախարարի տեղակալ Լուսինե Քոչարյանը, Աշխատանքի և զբաղվածության վարչության պետ Ժորա Սարգսյանը և Միության անդամ հանդիսացող գործարար համայնքի ներկայացուցիչներ և ոլորտի փորձագետներ։
Հանդիպման ընթացքում Միության նախագահ Վահագն Համբարձումյանը ներկայացրեց անդամների կողմից բարձրացված հիմնական հարցերն ու մտահոգությունները։ Անդրադարձ կատարվեց մի շարք առանցքային հարցերի, մասնավորապես՝ «Գործատուների միությունների մասին» ՀՀ օրենքում ակնկալվող փոփոխություններին, աշխատանքային օրենսդրության կիրառման ընթացքում առաջացող գործնական խնդիրներին, ինչպես նաև աշխատանքային իրավահարաբերությունների կարգավորման ոլորտում նախատեսվող առաջիկա փոփոխություններին և դրանց հնարավոր ազդեցությանը գործարար միջավայրի վրա։
Առանձին քննարկման առարկա դարձան աշխատանքի և զբաղվածության ոլորտում սահմանված առաջնահերթությունները և այդ ուղղությամբ իրականացվող ծրագրերը։ Մասնավորապես՝ ընդգծվեց աշխատանքային վեճերի լուծման արտադատական համակարգի ներդրման կարևորությունը, գործատու-աշխատող հարաբերությունների ակտիվացման անհրաժեշտությունը, ինչպես նաև գործատուների և աշխատողների իրավունքների պաշտպանության արդյունավետ մեխանիզմների կիրառման կարևորությունը։
Հանդիպումն անցավ կառուցողական և բաց քննարկման մթնոլորտում, որի ընթացքում մասնակիցները հարցուպատասխանի ձևաչափով ստացան իրենց կողմից բարձրացված հարցերի պատասխանները և ներկայացրին իրենց դիտարկումներն ու առաջարկությունները՝ ուղղված ոլորտի բարելավմանը։
Արդյունքում ձեռք բերվեց պայմանավորվածություն շարունակել երկխոսությունը և համագործակցությունը՝ առկա խնդիրների արդյունավետ լուծման և իրականացվող բարեփոխումների կատարելագործման նպատակով։
Միության նախագահ Վահագն Համբարձումյանը շնորհակալություն հայտնեց նախարարին բաց և կառուցողական երկխոսության ապահովման, ինչպես նաև գործարար համայնքի հետ անմիջական շփման պատրաստակամության համար։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: