Կայացավ ՀԳՀՄ 4-րդ արտահերթ համագումարը

Մայիսի 8-ին Հայաստանի գործատուների հանրապետական միության նախագահ Վահագն Համբարձումյանի նախաձեռնությամբ տեղի ունեցավ Միության 4-րդ արտահերթ համագումարը, որն անցկացվեց առցանց ձևաչափով։

Համագումարին մասնակցում էին 94 պատվիրակ՝ հեռավար, իսկ 12 Խորհրդի անդամ՝ առկա ձևաչափով։ Համաձայն Միության կանոնադրության` համագումարն իրավազոր էր, քանի որ մասնակցում էին պատվիրակների կեսից ավելին։

Օրակարգը ներառում էր երկու հարց.

1. Միության Խորհրդի մի շարք անդամների լիազորությունների վաղաժամկետ դադարեցում։

2. Խորհրդի կազմի համալրում նոր անդամներով։

Օրակարգի առաջին հարցով համագումարը որոշեց դադարեցնել հետևյալ կառույցների ներկայացուցիչների լիազորությունները` որպես Խորհրդի անդամներ, Միության անդամակցությունը դադարեցնելու հիմքով․

• «Ցավի բժշկության ազգային ասոցիացիա» ՀԿ
• «Հայ խոհարարական ավանդույթների զարգացման և պահպանման կենտրոն» ՀԿ
• Կոտայքի մարզի գործատուների տարածքային միություն

Խորհրդի կազմի համալրման նպատակով Միության նախագահ Վահագն Համբարձումյանն առաջադրեց հետևյալ թեկնածուներին`

1. Վարդան Ջհանյան, «Հայաստանի հանքագործների և մետալուրգների գործատուների ճյուղային միություն» նախագահ
2. Կարեն Զադոյան, «Լիգլ Ըլայընս» ՍՊԸ նախագահ
3. Նարե Սարգսյան, «Պարադետ» ՍՊԸ տնօրեն
4. Արտակ Մարգարյան, «Բիզնեսի մեկ պատուհան» ՍՊԸ բաժնետեր
5. Հարություն Գուլյան, «Հաշվապահների և աուդիտորների ուսումնախորհրդատվական կենտրոն» ՍՊԸ ներկայացուցիչ

Յուրաքանչյուր առաջադրված թեկնածու ներկայացրեց իր ինքնակենսագրությունն ու Միության զարգացման վերաբերյալ իր տեսլականը։

Հաշվի առնելով բոլոր նոր թեկնածուների բազմամյա փորձն ու արժեքաստեղծ գործունեությունը՝ համագումարի մասնակիցները ողջունեցին նրանց առաջադրումը՝ կարևորելով նրանց ներուժն ու նորարարական գաղափարները Միության կայուն զարգացման ու առաջընթացի ապահովման գործընթացում։