Կայացավ ՀԳՀՄ Խորհրդի հերթական նիստը

Նոյեմբերի 26-ին տեղի ունեցավ Հայաստանի գործատուների հանրապետական միության (ՀԳՀՄ) Խորհրդի հերթական նիստը։
Նիստին առկա և առցանց ձևաչափով մասնակցեցին ՀԳՀՄ Խորհրդի 20 անդամներից 19-ը։

Նիստի օրակարգային հարցերն էին`

1. Միության անդամակցությունը Գործատուների միջազգային կազմակերպությանը (INTERNATIONAL ORGANISATION OF EMPLOYERS – IOE),
2. Միությանն անդամակցելու համար դիմած կազմակերպությունների ներկայացում և անդամագրման հաստատում։

Խորհրդի քննարկման առանցքային հարցերից մեկը ՀԳՀՄ անդամակցումն էր Գործատուների միջազգային կազմակերպությանը (IOE)։ ՀԳՀՄ նախագահ Վահագն Համբարձումյանն ընդգծեց, որ IOE-ին միանալը կարևոր ռազմավարական քայլ է՝ ապահովելու Հայաստանի գործատուների ձայնի ներկայացվածությունն ու շահերի պաշտպանությունը միջազգային հարթակներում։ IOE անդամակցությունը ոչ միայն կնպաստի Հայաստանի գործատուների հանրապետական միության հեղինակության և ազդեցության մակարդակի բարձրացմանը, այլև կստեղծի համագործակցության լայն հարթակ՝ օգտվելու միջազգային փորձագիտական խորհրդատվությունից, ակտիվացնելու փոխգործակցությունը տարբեր երկրների գործատուների միությունների հետ և ընդլայնելու գործատուների համար նոր շուկաներ մուտք գործելու հնարավորությունները։

Նիստի օրակարգի երկրորդ հարցի շրջանակում Միության նախագահ Վահագն Համբարձումյանը ներկայացրեց միությանը անդամակցելու համար դիմած կազմակերպություններին և ընդգծեց, որ ՀԳՀՄ-ն հետևողականորեն ընդլայնում է իր կազմը՝ ներգրավելով տարբեր ոլորտներում ակտիվ գործունեություն ծավալող ընկերություններին։ Նրանց կուտակած փորձն ու մասնագիտական ներուժը նպաստում են Միության գործունեության զարգացմանը, ռազմավարական նպատակների իրագործմանը և գործատուների շահերի առավել արդյունավետ պաշտպանությանը։

Շնորհավորում ենք ՀԳՀՄ անդամակցության համար դիմած նոր կազմակերպություններին՝

1. «Նաիրի Ինշուրանս» ԱՍՊԸ
2. «ՈՒլպիանոս» ՍՊԸ
3. «Պոզիտիվ Թրեվլ» ՍՊԸ
4. «Ռեստորանատերերի շահերի և իրավունքների պաշտպանության միություն» ՀԿ
5. «Դիվիդենտ գրուպ» ՍՊԸ
6. «Դատալեքս» ՍՊԸ
7. Նանե Դավթյան ԱՁ
8. Արշալույս Պողոսյան ԱՁ
9. Նառա Ղազարյան ԱՁ
10. Օլյա Իսրայելյան ԱՁ
11. Արմինե Ամիրյան ԱՁ
12. Սվետլանա Գեորգիյան ԱՁ
13. Գառնո Դավուդյան ԱՁ

Խորհրդի անդամները միաձայն քվեարկությամբ հաստատեցին նոր կազմակերպությունների անդամակցումը, ինչը ևս մեկ քայլ է տարբեր ոլորտների համախմբման և համագործակցության կայուն զարգացման ուղղությամբ։
Միաձայն «կողմ» քվեարկելով օրակարգային բոլոր հարցերին՝ Խորհուրդն ավարտեց իր աշխատանքները։