Կայացավ ՀՀ ՊԵԿ նախագահին կից հասարակական խորհրդի առաջին նիստը
.jpg?token=575b9454712ccf42a85aab997c1c6d3f "Կայացավ ՀՀ ՊԵԿ նախագահին կից հասարակական խորհրդի առաջին նիստը")
Փետրվարի 17-ին տեղի ունեցավ ՀՀ Պետական եկամուտների կոմիտեի նախագահին կից հասարակական խորհրդի առաջին նիստը։
Խորհրդի ձևավորումը միտված է պետություն–մասնավոր հատված փոխգործակցության հարթակի ձևավորմանը՝ ապահովելով քաղաքացիական հասարակության մասնակցությունն ու արդյունավետ երկխոսության ամրապնդումը։
Նիստին մասնակցում էին Հայաստանի գործատուների հանրապետական միության նախագահ Վահագն Համբարձումյանը և Միության անդամ Արթուր Հակոբյանը։
ՀՀ ՊԵԿ նախագահ Էդուարդ Հակոբյանը վերահաստատեց քաղաքացիական հասարակության ներկայացուցիչների հետ բաց և կառուցողական երկխոսության պատրաստակամությունը՝ համատեղ քննարկելու հանրությանը հուզող հարցերն ու առաջնահերթությունները։
Նիստի ընթացքում քննարկվեցին Կառավարության գործունեության հնգամյա միջոցառումների ծրագրով նախատեսված՝ 2026 թվականին Պետական եկամուտների կոմիտեի կողմից իրականացվելիք միջոցառումները, ինչպես նաև հարկային վարչարարության բարեփոխումների և մաքսային ծառայության առաջիկա տարիների զարգացման ռազմավարական ուղղությունները։
Անդրադարձ կատարվեց նաև ՊԵԿ հարկային և մաքսային մարմինների բողոքարկման հանձնաժողովի աշխատակարգի վերանայմանը, որի շրջանակում առաջարկվեց քննարկել հանձնաժողովի աշխատանքներին քաղաքացիական հասարակության ներկայացուցչի՝ իր ցանկությամբ մասնակցության ապահովման հարցը։
Միության նախագահ Վահագն Համբարձումյանը ներկայացրեց իր դիտարկումներն ու առաջարկությունները օրակարգային հարցերի վերաբերյալ՝ ընդգծելով հարկային վարչարարության բարեփոխումների իրականացման անհրաժեշտությունը և դրանց կանխատեսելիության ապահովումը գործարար համայնքի համար։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: