Մեկնարկել է «Ոլորտային որակավորման շրջանակներ՝ «Մասնագիտական կրթության և ուսուցման մասին» նոր օրենքի ներքո» աշխատաժողովը

Սեպտեմբերի 22-ին և 23-ին Հայաստանի Գործատուների Հանրապետական Միության (ՀԳՀՄ) Խորհրդի անդամ Միհրան Թադևոսյանը և ՀԳՀՄ անդամ Հասմիկ Իգիթխանյանը մասնակցեցին «Ոլորտային որակավորման շրջանակներ՝ «Մասնագիտական կրթության և ուսուցման մասին» նոր օրենքի ներքո» խորագրով երկօրյա աշխատաժողովին, որը կազմակերպվել էր Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) կողմից` ԿԳՄՍ նախարարության և ՅՈՒՆԵՍԿՕ-ի աջակցությամբ։

Աշխատաժողովի հիմնական նպատակն է աջակցել 2024 թ.-ին ուժի մեջ մտած «Մասնագիտական կրթության և ուսուցման մասին» նոր օրենքի դրույթների իրականացմանը, նպաստել հմտությունների բնութագրերի ու զբաղմունքների համապատասխանեցմանը ոլորտային որակավորումների շրջանակներին (ՈՈՇ)։ Քննարկումների առանցքում ՏՀՏ, թեթև արդյունաբերության և շինարարության ոլորտներն են։

Աշխատաժողովին մասնակցել են ՏՀՏ, թեթև արդյունաբերության և շինարարության ոլորտների, համապատասխան ոլորտը համակարգող քաղաքականություն մշակողների, ինչպես նաև տեղական և միջազգային փորձագետների շուրջ 80 ներկայացուցիչներ:

Աշխատաժողովին բացման խոսքով հանդես է եկել ԿԳՄՍՆ մասնագիտական կրթության և ուսուցման վարչության պետ Արմենուհի Պողոսյանը:

Ելույթով հանդես է եկել նաև ՀԳՀՄ Խորհրդի անդամ Միհրան Թադևոսյանը, ով ներկայացրել է նոր որակավորումների շրջանակի առանցքային դերը գործատուների համայնքի համար և ընդգծել մասնագիտական կադրային ներուժի որակական զարգացման կարևորությունը:

Նյութի աղբյուրը՝ https://escs.am/am/news/31569