Միության նախագահը հյուրընկալեց ԱՄԿ Գործատուների հարցերով բյուրոյի տնօրենին
.jpg?token=9b08505c1a86f60a8819410a4534fa9c "Միության նախագահը հյուրընկալեց ԱՄԿ Գործատուների հարցերով բյուրոյի տնօրենին")
Ապրիլի 14-ին Հայաստանի գործատուների հանրապետական միության նախագահ Վահագն Համբարձումյանը հյուրընկալեց (ԱՄԿ) Գործատուների հարցերով բյուրոյի տնօրեն Դեբորահ Ֆրանսեին և ԱՄԿ Արևելյան Եվրոպայի և Կենտրոնական Ասիայի գրասենյակի Գործատուների հարցերով ավագ մասնագետ Վլադիմիր Չուրովիչին։
ԱՄԿ պատվիրակության անդամները ժամանել են Հայաստան՝ մասնակցելու ապրիլի 17-ին Միության նախաձեռնությամբ և ԱՄԿ աջակցությամբ իրականացվող «Տնտեսության ֆորմալացումը՝ որպես բիզնեսի աճի նախապայման» խորագրով համաժողովին, որի նպատակն է ձևավորել բիզնեսակենտրոն օրակարգ տնտեսության ֆորմալացման խթանման և արտադրողական աճի ապահովման շուրջ։
Հանդիպմանը մասնակցում էին նաև ՀԳՀՄ նախագահի տեղակալներ Հարություն Գուլյանն ու Նարե Սարգսյանը, գործադիր տնօրեն Լիլիթ Ադամյանը։
Հանդիպման ընթացքում անդրադարձ կատարվեց Միության դերակատարման բարձրացմանը ֆորմալ տնտեսության խթանման և սոցիալական գործընկերության զարգացման ուղղությամբ։ Կողմերը կարևորեցին բիզնես միջավայրի կանխատեսելիության և վստահության ամրապնդումը՝ որպես ստվերային տնտեսության կրճատման առանցքային գործոն։ Մասնավորապես, քննարկման առանցքում էին հարկային և վարչարարական քաղաքականությունների կատարելագործումը՝ ուղղված բիզնեսի համար ֆորմալ դաշտում գործելու խթանների ձևավորմանը՝ արժանապատիվ աշխատանքի և սոցիալական արդարության երաշխիքների ամրապնդման, ինչպես նաև մրցունակության խթանման գործիքակազմի միջոցով։
Առանձին ուշադրություն դարձվեց Հայաստանի գործատուների հանրապետական միության կարողությունների շարունակական զարգացմանը, որի շրջանակներում քննարկվեցին անդամակցության ընդլայնման, անդամներին մատուցվող ծառայությունների զարգացման և գործատուների ձայնի առավել ազդեցիկ ներկայացման հնարավորությունները։
ՀԳՀՄ նախագահ Վահագն Համբարձումյանը ներկայացրեց Միության կողմից իրականացված և ընթացիկ աշխատանքները՝ ուղղված ինստիտուցիոնալ կարողությունների ամրապնդմանը, սոցիալական երկխոսության զարգացմանը և գործարար համայնքի հետ փոխգործակցության խորացմանը։
ԱՄԿ գործատուների հարցերով բյուրոյի տնօրեն Դեբորահ Ֆրանսեն բարձր գնահատեց Միության ակտիվ ներգրավվածությունը և վերահաստատեց Աշխատանքի միջազգային կազմակերպության պատրաստակամությունը՝ շարունակաբար աջակցելու Միության զարգացմանը, կարողությունների հզորացմանը և միջազգային լավագույն փորձի ներդրմանը։
Հանդիպման ընթացքում պայմանավորվածություն ձեռք բերվեց շարունակել սերտ համագործակցությունը՝ ուղղված երկարաժամկետ համատեղ նախաձեռնությունների իրականացմանը՝ նպաստելով Հայաստանում ներառական և մրցունակ տնտեսության ձևավորմանը։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: