Միության նախագահը մասնակցեց Հայ-սլովակյան առևտրի պալատի պաշտոնականան բացմանը
.jpg?token=2ad0c328a76fbe735bd982912efb3ce6 "Միության նախագահը մասնակցեց Հայ-սլովակյան առևտրի պալատի պաշտոնականան բացմանը")
Մարտի 17-ին Երևանում տեղի ունեցավ Հայ-սլովակյան առևտրի պալատի բացման հանդիսավոր արարողությունը, որին մասնակցեց նաև Հայաստանի գործատուների հանրապետական միության նախագահ Վահագն Համբարձումյանը։
Միջոցառմանը ներկա էին Սլովակիայի Հանրապետության դեսպանության ներկայացուցիչներ, ՀՀ պետական կառավարման մարմինների անդամներ, եվրոպական մի շարք երկրների դիվանագիտական առաքելությունների ղեկավարներ, ինչպես նաև գործարար համայնքի ներկայացուցիչներ։
Բացման հանդիսավոր արարողության ընթացքում Սլովակիայի Հանրապետության արտակարգ և լիազոր դեսպան Միրոսլավ Հացեկը իր ելույթում ընդգծեց հայ-սլովակյան երկկողմ և տնտեսական հարաբերությունների շարունակական զարգացման դինամիկան՝ նշելով, որ պալատի հիմնադրումը ևս մեկ նշանակալի և տրամաբանական քայլ է երկու երկրների միջև տնտեսական հարաբերությունների խորացման ուղղությամբ։
Ողջունելով նախաձեռնությունը՝ Հայաստանի գործատուների հանրապետական միության նախագահ Վահագն Համբարձումյանը կարևորեց Հայ-սլովակյան առևտրի պալատի ստեղծումը բիզնես կապերի ընդլայնման, ներդրումային հնարավորությունների խթանման և երկկողմ համագործակցության զարգացման տեսանկյունից։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: