ՓՄՁ զարգացման ենթախորհրդում քննարկվեցին աշխատանքային օրենսդրության և բիզնեսի գործունեությանն առնչվող հարցեր
Նոյեմբերի 13-ին ՀՀ էկոնոմիկայի նախարար, ՓՄՁ զարգացման ենթախորհրդի նախագահ Գևորգ Պապոյանի գլխավորությամբ կայացավ ՓՄՁ զարգացման ենթախորհրդի հերթական նիստը։
Նիստի ընթացքում քննարկվեցին գործարար միջավայրի բարելավմանն ուղղված երկու օրակարգային հարց՝ ՀՀ աշխատանքային օրենսգրքով սահմանված «Ծնողական ժամի» կարգավորումների կիրառման հետևանքով առաջացող խնդիրները և բիզնեսից բիզնես (B2B) ապրանքների առաքում իրականացնող տնտեսավարողների համար բեռնատար ավտոտրանսպորտային միջոցների կայանման հետ կապված դժվարությունները։
Նիստին մասնակից Հայաստանի գործատուների հանրապետական միության ներկայացուցիչ Սերգեյ Ներսեսյանը անդրադարձավ ՀՀ աշխատանքային օրենսգրքի 207.1-ին հոդվածով սահմանված «ծնողական ժամի» կարգավորումների կիրառման և գործնականում հնարավոր խնդիրներին։

Քննարկվեցին նաև բիզնեսից բիզնեսին (B2B) ապրանքների առաքում իրականացնող տնտեսավարողների բեռնատար ավտոտրանսպորտային միջոցների կայանման և դրա հետ կապված իրավակարգավորումների հարցերը, որոնց վերաբերյալ Սերգեյ Ներսեյանը ներկայացրեց առաջարկներ՝ ուղղված գործող կարգավորումների բարելավմանը և տնտեսավարողների համար առավել նպաստավոր պայմանների ստեղծմանը։ Ընդգծվեց նաև նախատեսվող փոփոխությունների ուժի մեջ մտնելուց առաջ տնտեսավարողներին բավարար ժամանակ տրամադրելու անհրաժեշտությունը՝ նոր պահանջներին նախապատրաստվելու և դրանց սահուն կիրառումն ապահովելու նպատակով։

Քննարկման արդյունքում պայմանավորվածություն ձեռք բերվեց հավաքագրել խորհրդի անդամների կարծիքներն ու առաջարկությունները և փոխանցել ՀՀ էկոնոմիկայի նախարարությանը՝ ՀՀ աշխատանքի և սոցիալական հարցերի նախարարության մշակած օրենսդրական փաթեթի վերաբերյալ նախարարության դիրքորոշման ձևավորման ընթացքում դրանք դիտարկելու նպատակով։
ՎԵՐՋԻՆ ՆՈՐՈՒԹՅՈՒՆՆԵՐԸ
-
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր):
-
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների:
-
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ:
-
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: