ՀԳՀՄ Համաժողովին ներկայացվեց Միության 16 տարիների ձեռքբերումները և հիմնադրվեց «Նորարարություն, կանաչ տնտեսություն և թվայնացում» գործատուների ճյուղային նոր միություն
![ՀԳՀՄ Համաժողովին ներկայացվեց Միության 16 տարիների ձեռքբերումները և հիմնադրվեց «Նորարարություն, կանաչ տնտեսություն և թվայնացում» գործատուների ճյուղային նոր միություն ՀԳՀՄ Համաժողովին ներկայացվեց Միության 16 տարիների ձեռքբերումները և հիմնադրվեց «Նորարարություն, կանաչ տնտեսություն և թվայնացում» գործատուների ճյուղային նոր միություն](https://employers.am/storage/files/17january24-conference-780x_-quality(85).jpg?token=9a2f57c1f61d0753cb15014d1c0bdc3f)
2024թ․ հունվարի 17-ին ՀԳՀՄ-ն իրականացրեց Համաժողով, որի շրջանակում ներկայացվեցին ՀԳՀՄ գործունեության 16 տարիների հիմնական ձեռքբերումները, ՀԳՀՄ ջատագովման մոտ 40 ուղղությունները, հիմնադրվեց ՀԳՀՄ նոր ճյուղային միություն՝ «Նորարարություն, կանաչ տնտեսություն և թվայնացում», որի նպատակն է՝ խթանել երկխոսությունը կանաչ տնտեսության և թվայնացման բնագավառներում, ինչպես նաև տնտեսության մեջ բարձր տեխնոլոգիական արտադրանքների և նորարարության կիրառումը։
Համաժողովին մասնակցում էին շուրջ 45 անձինք պետական գերատեսչություններից (ՀՀ Էկոնոմիկայի նախարարություն, Կրթության, գիտության, մշակույթի և սպորտի նախարարություն, Շրջակա միջավայրի նախարարություն, ԲՏԱ նախարարություն, Ներդրումների աջակցման կենտրոն), գործատուներ, ոլորտային փորձագետներ, ՀՀ-ում օտարերկրյա դեսպանությունների ներկայացուցիչներ և այլն։
ՀԳՀՄ նախագահ Գ․ Մակարյանը ներկայացրեց ՀԳՀՄ 16 տարիների փորձառության հիման վրա սոցիալ-տնտեսական բնագավառում առկա խնդիրների հաղթահարման առաջարկություններ, ինչպես նաև ՀՀ մարզերի սոցիալ-տնտեսական զարգացման փաթեթային մոդելը։ Նա նաև ներկայացրեց միջազգային զարգացումները ԲՏԱ և կանաչ տնտեսության բնագավառներում, և ՀՀ համար ԲՏԱ զարգացման համար առաջնահերթ ուղղությունները։
ՀԳՀՄ փոխնախագահ Ս․ Չիբուխչյանը ներկայացրեց ՀՀ Կառավարության կողմից ընդունած կարևոր ռազմավարությունները կանաչ տնտեսության և թվայնացման բնագավառում, ինչպես նաև նորարարական տնտեսության կարևոր նպատակները ՀՀ համար, կրթության դերը և բարենպաստ իրավական դաշտի ձևավորման ուղղությունները։
Համաժողովը նաև նպատակ ուներ խթանելու ՀԳՀՄ կարողությունների զարգացումը։ Համաժողովի ընթացքում ելույթ ունեցան ՀԳՀՄ գործընկերները, և տեղի ունեցան ակտիվ քննարկումներ կանաչ տնտեսության և թվայնացման ոլորտի խնդիրների և լուծումների, ինչպես նաև նոր ճյուղային միության նպատակների և նրա գործառույթների վերաբերյալ։
Համաժողովն իրականացվել է ԱՄՆ «Միջազգային մասնավոր ձեռնարկատիրության կենտրոն» (CIPE) աջակցությամբ։
ՎԵՐՋԻՆ ՆՈՐՈՒԹՅՈՒՆՆԵՐԸ
-
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր):
-
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների:
-
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ:
-
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: