Կրթություն-աշխատաշուկա համագործակցության շրջանակներում` ՀՀ բուհերի ուսանողների աջակցությունը մրցույթներում
![Կրթություն-աշխատաշուկա համագործակցության շրջանակներում` ՀՀ բուհերի ուսանողների աջակցությունը մրցույթներում Կրթություն-աշխատաշուկա համագործակցության շրջանակներում` ՀՀ բուհերի ուսանողների աջակցությունը մրցույթներում](https://employers.am/storage/files/my-project-780x_-quality(85).jpg?token=5aa14884007b6be6c37658b32c4107dc)
Հայաստանի գործատուների հանրապետական միությունը իրատեսորեն գնահատելով ՀՀ-ում աշխատաշուկայի պահանջարկին համապատասխան որակյալ կադրերի անհրաժեշտությունը, երիտասարդների զբաղվածության և արժանապատիվ աշխատանք ունենալու հրամայականը, կրթության ոլորտում առկա հիմնախնդիրները, կրթություն - գիտություն - արտադրություն կապի շարունակական զարգացման և արդյունավետության բարձրացման անհրաժեշտությունը, ամեն տարի տարբեր ձևաչափերով նախաձեռնում և աջակցում է միջազգային տարբեր հարթակներում ՀՀ տարբեր բուհերի ուսանողներին` մասնակցելու միջազգային ուսանողական մրցույթներին, ներկայացնելու իրենց կարողությունները, հմտություններն ու գիտելիքները:
ՀԳՀՄ ԱՐՄԵՆՊԱԿ ճյուղային միությունը 2021թ. Հայաստանի ազգային պոլիտեխնիկական համալսարանի և Ճարտարապետության և շինարարության Հայաստանի ազգային համալսարանի Դիզայն մասնագիտության ուսանողների 4 աշխատանք ներկայացրեց փաթեթավորման և պիտակավորման ուսանողական լավագույն աշխատանքների «ԼԱՐՈՎԻ ՆԱՐԻՆՋ - 2021» («ЗАВОДНОЙ АПЕЛЬСИН-2021») միջազգային մրցույթին:
Մրցույթին ներկայացվել էին 4 երկրների 25 ուսումնական հաստատություններից ավելի քան 120 աշխատանքներ:
Հարկ է նշել, որ մրցույթի ժյուրին իր կազմում ընդգրկել էր միջազգային չափանիշներով շատ բարձ պրոֆեսիոնալների:
Հայաստանից ներկայացված 4 աշխատանքներից մեկը արժանացավ արծաթե դիպլոմի, իսկ մյուսը՝ դափնեկրի պատվավոր դիպլոմի:
Մրցույթի կազմակերպիչները հատուկ դիպլոմների էին շնորհել ԱՐՄԵՆՊԱԿ միության նախագահ՝ Սուրեն Չիբուխչյանին, Հայաստանի ազգային պոլիտեխնիկական համալսարանի Ճարտարագիտական գրաֆիկայի ամբիոնի վարիչ Կարինե Թումանյանին, Ճարտարապետության և շինարարության Հայաստանի ազգային համալսարանի Դիզայնի ամբիոնի վարիչ Աշոտ Բաղդասարյանին:
2021թ. Ժողովուրդների բարեկամության Ռուսաստանի պետական համալսարանի կողմից կազմակերպվեց ուսանողական միջազգային ֆորում «Евразийская экономическая перспектива», որի նպատակն էր թիմային աշխատանքով զարգացնել տարբեր երկրների ուսանողների բիզնես գաղափարները և նախաձեռնությունները ապրանքների և ծառայությունների մատուցման նոր շուկաների ձեռքբերման նպատակով: Հարկ է նշել, որ թիմային աշխատանքում ընդգրկված էին տարբեր համալսարանների ավելի քան 40 ուսանողներ: ԱՐՄԵՆՊԱԿ միության անմիջական նախաձեռնությամբ ֆորումին մասնակցեցին Հայաստանի ազգային պոլիտեխնիկական համալսարանից մագիստրոսական կրթական ծրագրով երկու ուսանողներ՝ Արամ Շահգելդյանը և Միհրան Սարգսյանը: Ուրախալի է, որ ֆորումի կազմակերպիչները բարձր գնահատելով մեր ուսանողների գիտելիքներն ու կարողությունները նրանց արժանացրին պատվավոր դիպլոմների:
Ապրիլի 15-ին ՀԳԱՀ նախագահ Գագիկ Մակարյանը իր շնորհավորական խոսքում հատուկ ուշադրության արժանացրեց նման միջազգային միջոցառումներին հայ ուսանողների մասնակցության կարևորությունը, որը լավագույն հարթակ է ներկայացնելու մասնագիտական գիտելիքներն ու կարողություններ: Հայաստանի Արհմիությունների կոնֆեդերացիայի դահլիճում ՀԳՀՄ նախագահ Գագիկ Մակարյանը և ՀԳՀՄ փոխնախագահ Սուրեն Չիբուխչյանը հանդիսավոր պայմաններում հանձնեցին դիպլոմների արժանացած ուսանողներին և դասախոսական կազմին նրանց վաստակած մրցանակները:
ՎԵՐՋԻՆ ՆՈՐՈՒԹՅՈՒՆՆԵՐԸ
-
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր):
-
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների:
-
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ:
-
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: