Տեղի ունեցավ ՀԳՀՄ Խորհրդի 6-րդ արտահերթ նիստը

Ս.թ. հոկտեմբերի 25-ին Հայաստանի գործատուների հանրապետական միության (ՀԳՀՄ) նախագահ Վահագն Համբարձումյանի նախաձեռնությամբ տեղի ունեցավ ՀԳՀՄ Խորհրդի 6-րդ արտահերթ նիստը։

Նիստին առկա ձևաչափով մասնակցում էին ՀԳՀՄ Խորհրդի 18 անդամներից 10-ը։

ՀԳՀՄ նախագահը Խորհրդի անդամներին ներկայացրեց սեպտեմբերի 14-ից առ այսօր ՀԳՀՄ թիմի կողմից տարբեր ուղղություններով իրականացրած աշխատանքները, վերջերս հյուրընկալած միջազգային փորձագետների և հյուրերի հետ քննարկումների ընթացքում ձեռք բերված պայմանավորվածությունները և տեղեկացրեց առաջիկայում մեկնարկող մի շարք նոր ծրագրերի և նախաձեռնությունների մասին։

Օրակարգի հաջորդ հարցով Վահագն Համբարձումյանը խորհրդի կազմին ներկայացրեց ՀԳՀՄ անդամության համար դիմած նոր կազմակերպություններին`

1. «Ռեգո Ինշուրանս» ԱՓԲԸ
2. «Փոքր և Միջին Ձեռնարկատիրության Համագործակցության Ասոցիացիա» ՀՄ
3. «Զբոսաշրջության Նորարարության և զարգացման ֆեդերացիա» ՀԿ
4. «Հայաստանի Լոգիստիկ Ասոցիացիա» ՀԿ
5. «Մոտիվ Քոնսալթինգ Ընդ Թրեյնինգ» ՍՊԸ
6. «Խախամյան Հերիթիջ» ՍՊԸ
7. «Բինամ» ՓԲԸ
8. «Նատուրալ Ֆիշ» ՍՊԸ
9. «Միկրոմ» ՍՊԸ
10. «Դաբլ–Թի» ՍՊԸ
11. «Սմարթ Քընսալթ» ՍՊԸ
12. «Էքսպրես Պլյուս Ըքաունթինգ» ՍՊԸ
13.  «Բիթուբի» ՍՊԸ
14.  «Պարադետ» ՍՊԸ
15. «Կվիստի» ՍՊԸ
16. Սերինե Պողոսյան Ա/Ձ

Հաշվի առնելով դիմող կազմակերպությունների բարի համբավն ու արժեքաստեղծ գործունեությունը, ինչպես նաև ներկայացրած փաստաթղթերի արժանահավատությունը` Վահագն Համբարձումյանը Խորհրդի կազմին առաջարկեց հաստատել նրանց անդամակցումը։

Նիստի ընթացքում քննարկվեցին նաև ՀԳՀՄ անդամների շահերի պաշտպանության, նրանց կարիքների վերհանման և դրանց լուծմանն ուղղված մի շարք հարցեր։

Ամփոփելով օրակարգային հարցերը և միաձայն կողմ քվեարկելով օրակարգային բոլոր հարցերին` Խորհրդի նիստն ավարտեց իր աշխատանքները։