Վիճակագրական հաշվետվությունների համակարգի բարելավման քննարկում
.jpg?token=ee65bbb4801d6afff5738f84efd06b5f "Վիճակագրական հաշվետվությունների համակարգի բարելավման քննարկում")
Հայաստանի գործատուների հանրապետական միության նախագահ Վահագն Համբարձումյանի միջնորդությամբ և Միության անդամ` Հայաստանի հաշվապահների ասոցիացիայի նախաձեռնությամբ, ապրիլի 22-ին ՀՀ վիճակագրական կոմիտեում տեղի ունեցավ արդյունավետ քննարկում՝ ուղղված վիճակագրական հաշվետվությունների համակարգի և գործընթացների բարելավմանը:
Քննարկմանը մասնակցում էին ՀԳՀՄ նախագահ Վահագն Համբարձումյանը, նախագահի տեղակալ Հարություն Գուլյանը, Ասոցիացիայի նախագահ Հերմինե Թովմասյանը, խորհրդի անդամ Սիրանուշ Ներսիսյանը, ինչպես նաև ՀԳՀՄ անդամ հաշվապահական գրասենյակների տնօրեններ:
Վիճակագրական կոմիտեի կողմից հանդիպմանը ներկա էին նախագահի տեղակալ Գագիկ Անանյանը, տեղեկատվական ռեսուրսների կառավարման և տեխնոլոգիաների վարչության պետ Արմենուհի Առուշանյանը, իրավաբանական բաժնի պետ Սարգիս Լալայանը և մասնագիտական այլ ստորաբաժանումների ղեկավարներ:
Հանդիպման ընթացքում քննարկվեցին Ասոցիացիայի անդամների կողմից վերհանված՝ ռեսպոնդենտների հաշվետվողականությանն առնչվող գործնական խնդիրներ և դրանց լուծմանն ուղղված առաջարկներ, կարևորվեց հաշվետվությունների ներկայացման գործընթացների ավտոմատացման անհրաժեշտությունը:
Ձեռք բերվեց պայմանավորվածություն կնքել համագործակցության հուշագիր Հայաստանի հաշվապահների ասոցիացիայի և ՀՀ վիճակագրական կոմիտեի միջև՝ ակտիվ համագործակցելու առկա խնդիրների վերհանման, համակարգային լուծումների մշակման և գործընթացների բարելավման ուղղությամբ:
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: