Հանդիպում ԱՄԿ միջազգային գործընկերների հետ տնտեսության ֆորմալացմանն ուղղված նոր նախաձեռնության շրջանակներում
.jpg?token=2c1f2e6f2f92a9f507e1b78bd6865c22 "Հանդիպում ԱՄԿ միջազգային գործընկերների հետ տնտեսության ֆորմալացմանն ուղղված նոր նախաձեռնության շրջանակներում")
Հոկտեմբերի 17-ին Հայաստանի գործատուների հանրապետական միության (ՀԳՀՄ) նախագահի տեղակալ Մարիա Խախամյանն ու գործադիր տնօրեն Լիլիթ Ադամյանը հյուրընկալեցին Աշխատանքի միջազգային կազմակերպության (ԱՄԿ) Արևելյան Եվրոպայի և Կենտրոնական Ասիայի երկրները համակարգող Գրասենյակի զբաղվածության ավագ մասնագետ Կազուտոշի Չատանիին, ԱՄԿ կենտրոնակայանի աշխատաշուկայի ծառայությունների մասնագետ Աննա-Կարին Օլսսոնին և զբաղվածության ինտենսիվ ներդրումների մասնագետ Մայքել Լիյու-Քիե Սոնգին: Հանդիպմանը ներկա էին նաև ԱՄԿ Ազգային համակարգող Նունե Հովհաննիսյանն ու ԱՄԿ խորհրդատու Սևակ Ալեքյանը։
ԱՄԿ միջազգային փորձագետների այցի նպատակն էր հայաստանյան գործընկերների հետ քննարկել ՀՀ ԱՍՀ նախարարության Միասնական սոցիալական ծառայության մասնագետների կարողությունների զարգացման և հասարակական աշխատանքների ներգրավման հարցում Միության դերակատարումը և ԱՄԿ հնարավոր աջակցությունն այդ գործընթացում։
Նախագիծն իրականացվում է Հայաստանի տնտեսության և աշխատաշուկայի ֆորմալացմանն ուղղված ԱՄԿ նոր նախաձեռնության շրջանակներում, որը միտված է եռակողմ սոցիալական երկխոսության զարգացմանը ՀՀ կառավարության, աշխատողների և գործատուների կազմակերպությունների միջև։
Հանդիպման ընթացքում համատեղ քննարկվեցին մի շարք կարևոր հարցեր զբաղվածության հարցերով խորհրդատունների կարողությունների հզորացման ու հավաստագրման գործընթացի, աշխատաշուկա-գործատու կապի ամրապնդման, զբաղվածության պետական ծրագրերի թիրախավորման, սոցիալապես խոցելի խմբերի չափանիշների վերանայման, զբաղվածության խթանման և գործազրկության նվազեցման վերաբերյալ։
Հյուրերը շնորհակալություն հայտնեցին ՀԳՀՄ ղեկավար աձնակազմին բովանդակալից և կառուցողական քննարկման համար` ընդգծելով, որ նմանատիպ ձևաչափով հանդիպումները կլինեն շարունակական, ինչը հնարավորություն կտա համակարգված և ներդաշնակ կերպով համատեղ իրականացնելու զբաղվածության ոլորտի բարեփոխումները։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: