Հանդիպում Եվրոպայի Խորհրդի գրասենյակի ներկայացուցիչների հետ
.jpg?token=7fa192315599b41a8dfad1393304f7be "Հանդիպում Եվրոպայի Խորհրդի գրասենյակի ներկայացուցիչների հետ")
Ս․թ․ հուլիսի 31-ին Հայաստանի Գործատուների Հանրապետական Միության (ՀԳՀՄ) նախագահ Վահագն Համբարձումյանը հյուրընկալեց Երևանի Եվրոպայի Խորհրդի գրասենյակի պատվիրակությանը՝ ի դեմս ծրագրերի ղեկավար Էմմա Մկրտչյանի, միջազգային փորձագետ Մոնիկա Սմուշ-Կուլեշայի, ազգային փորձագետ Սերգեյ Ղազինյանի և ծրագրերի մասնագետ Լիլիթ Սիրեկանյանի։
Հանդիպման նպատակն էր քննարկել ԵԽ-ի կողմից իրականացվող «Մարդու սոցիալական իրավունքների ամրապնդումը Հայաստանում» ծրագրի ակնկալվող արդյունքները, որոնք ուղղված են Հայաստանում սոցիալական և տնտեսական իրավունքների պաշտպանության բարձրացմանը՝ միջազգային չափանիշներին համապատասխան։
Հանդիպմանը մասնակցում էին նաև Միության նախագահի տեղակալներ Ավետիս Ավետիսյանն ու Մարիա Խախամյանը, գործադիր տնօրեն Լիլիթ Ադամյանը, Միության խորհրդի անդամ Միհրան Թադևոսյանը։
Քննարկման ընթացքում ՀԳՀՄ թիմի կողմից վեր հանվեցին սոցիալական և տնտեսական իրավունքների ոլորտում խոցելի խմբերի առկա կարիքները, ինչպես նաև ներկայացվեցին նրանց իրավունքների ամրապնդման և խթանմանն ուղղված քայլերը, որոնք անհրաժեշտ են հուսալի պաշտպանությունն իրականացնելու և եվրոպական չափանիշներին ներդաշնակեցնելու համար։
Վահագն Համբարձումյանը հանդես եկավ մի շարք առաջարկներով սոցիալական իրավունքների պաշտպանության ամրապնդման ուղղությամբ և իր պատրաստակամությունը հայտնեց աջակցելու ծրագրի շրջանակներում նախատեսված ոլորտի քաղաքականության և օրենսդրական դաշտի մշակման և իրականացման գործընթացում։
Հյուրերը շնորհակալություն հայտնեցին արդյունավետ քննարկման և հրատապ լուծումներ պահանջող խնդիրների վերհանման համար, որոնք կներառվեն ծրագրի ամփոփիչ զեկույցում և հիմք կծառայեն ծրագրի հետագա հարմարեցված գործողությունների իրականացման համար։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: