ՀԳՀՄ նախագահ Վահագն Համբարձումյանն ընդունեց ԱՄԿ միջազգային պատվիրակության անդամներին
.jpg?token=e25a4746813ac6c6357c8f5defeebba7 "ՀԳՀՄ նախագահ Վահագն Համբարձումյանն ընդունեց ԱՄԿ միջազգային պատվիրակության անդամներին")
2024թ. սեպտեմբերի 24-ին Հայաստանի գործատուների հանրապետական միության (ՀԳՀՄ) նախագահ Վահագն Համբարձումյանը հյուրընկալեց Աշխատանքի միջազգային կազմակերպության (ԱՄԿ) պատվիրակությանը` ի դեմս ԱՄԿ ֆորմալացման գործողությունների ծրագրի ղեկավար Ֆրեդերիկ Լապեյրի, զբաղվածության հարցերով գլխավոր մասնագետ Կազուտոշի Չատանիի և Հայաստանում ԱՄԿ Ազգային համակարգող Նունե Հովհաննիսյանի։
Հանդիպման ընթացքում հյուրերը ներկայացրին Հայաստանում մեկնարկող ԱՄԿ նոր նախաձեռնությունը, որը միտված է նպաստելու Հայաստանում ոչ ֆորմալ զբաղվածության խնդրի կարգավորմանը։ Ծրագիրն ուղղված է Լեռնային Ղարաբաղից բռնի տեղահանված բնակչության ոչ ֆորմալ զբաղվածության կանխմանը և ֆորմալ զբաղվածությանը անցնելու խթանմանը։ Ֆրեդերիկ Լապեյրն առանձնահատուկ ընդգծեց, որ ծրագրի արդյունավետ իրագործման համար շատ կարևոր է եռակողմ սոցիալական երկխոսության ապահովումը կառավարության, արհմիությունների և գործատուների կազմակերպությունների միջև, ուստի այս հանդիպման նպատակն է նաև հավաքագրել գործընկերների տեսակետները խնդրահարույց հարցերի վերաբերյալ:
ՀԳՀՄ նախագահ Վահագն Համբարձումյանը ողջունեց ԱՄԿ այս նախաձեռնության իրականացումը` խթանելու արժանապատիվ աշխատանքն ու սոցիալական արդարությունը, և բարձր գնահատեց ԱՄԿ-ի ակտիվ ներգրավվածությունը Լեռնային Ղարաբաղից բռնի տեղահանված բնակչության զվաղվածության ճգնաժամի արձագանքման գործում։
Որպես գործատուների հավաքական ձայնը ներկայացնող կառույցի նախագահ` Վահագն Համբարձումյանն իր պատրաստակամությունը հայտնեց ակտիվորեն ներգրավվել ծրագրով նախատեսված գործողություններում` աջակցելու ՀՀ կառավարությանը ֆորմալ զբաղվածության խթանմանն ուղղված քաղաքականության և գործիքակազմի մշակման, ինչպես նաև իրավական դաշտի բարելավման գործընթացում։
Հանդիպման վերջում հյուրերը շնորհակալություն հայտնեցին ՀԳՀՄ նախագահին գործուն առաջարկներով հանդես գալու համար, որոնք տեղ կգտնեն ԱՄԿ նոր մեկնարկող ծրագրային փաթեթում։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: