ՀԳՀՄ նախագահ Գ․ Մակարյանի հանդիպումը ԱՄԿ գլխավոր տնօրեն Գիլբերտ Հունգբոյի հետ «Սոցիալական արդարության խթանումը» միջազգային համաժողովի շրջանակում
.jpg?token=5da3b34d1d62eef93eaf3771386fc71c "ՀԳՀՄ նախագահ Գ․ Մակարյանի հանդիպումը ԱՄԿ գլխավոր տնօրեն Գիլբերտ Հունգբոյի հետ «Սոցիալական արդարության խթանումը» միջազգային համաժողովի շրջանակում")
2023թ․ դեկտեմբերի 18-ին Երևանում ՀԳՀՄ նախագահ Գ․ Մակարյանը մասնակցել է «Սոցիալական արդարության խթանումը. Աշխատանքի ապագան ներկայիս ժամանակաշրջանում» միջազգային համաժողովին։ Համաժովողին մասնակցում էին ՀՀ Նախագահը, ՀՀ Վարչապետը, մի քանի նախարարներ և ԱԺ պատգամավորներ, ինչպես նաև բարձրաստիճան պաշտոնյաներ օտարերկրյա երկրներից։
Համաժողովի ընթացքում Գ․ Մակարյանը հանդիպել է Աշխատանքի միջազգային կազմակերպության (ԱՄԿ) գլխավոր տնօրեն Գիլբերտ Հունգբոյին, ով առանձնահատուկ հետաքրքվել է ՀՀ-ում սոցիալական եռակողմ գործընկերության ներկա իրավիճակով, ինչպես նաև բնագավառում առկա խնդիրներով և ՀԳՀՄ գործունեությամբ։
ՀԳՀՄ Նախագահը ԱՄԿ գլխավոր տնօրենի և նրա թիմի հետ հանդիպման ժամանակ և Համաժողովի աշխատանքային խմբերում կարևորել է գործատուների դերը ՀՀ սոցիալ-տնտեսական զարգացումներում, եռակողմ սոցիալական գործընկերության ինստիտուտի ուժեղացումը համապատասխան օրենքներով։ Նա նաև առաջարկել է վերանայել ԱՄԿ որոշ կոնվենցիաներ՝ դրանց բովանդակությունը և պահանջները ադապտացնելու աշխարհում առկա մարտահրավերների հաղթահարմանը։
ՀԳՀՄ նախագահը շնորհակալություն է հայտնել ԱՄԿ գլխավոր տնօրենին ՀԳՀՄ հետ երկար տարիների արդյունավետ համագործակցության համար, հատկապես հետևյալ ուղղություններով՝
- ԱՄԿ կոնվենցիաների վավերացումը և ՀՀ կողմից վավերացված կոնվենցիաների պահանջների կատարումը
- Արժանապատիվ աշխատանքը ՀՀ-ում
- Աշխատանքի անվտանգությունը
- Կանանց և տղամարդկանց հավասար իրավունքների ջատագովումը
- Կրթություն-աշխատաշուկա կապը
- Թվայնացումը և այլն։
Համաժողովի ընթացքում և առանձին քննարկումներում կարևորվել են ԱՄԿ մոտեցումները և այլ երկրների փորձը սոցիալական արդարության և զբաղվածության խթանման բնագավառում և աշխատանքի կարևորությունը ՀՀ-ում առկա մարտահրավերների համատեքստում։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: